227甜棧 (Closed)

喺太子嘅某個角落，隱藏左呢間養生糖水小店，鋪面佈置充滿中國風，睇落別有一番風味🤔🤔入到去中間有個自助嘅茶水間，客官可以隨意去斟茶，茶嘅味道都充滿菊花既香甜，坐低靜落黎嘆杯杯真係令人心曠神怡👍🏻👍🏻叫左第一個甜品就係呢個芋圓涼粉，椰汁份量岩岩好吊到味之餘唔會好重口味，芋圓方面就有幾隻色，但有咩分別就唔係好食得出，呢到既芋圓主要係顆粒感重，會真係有d芋頭係入面而唔係淨係粉團，都算幾特別既嘗試👍🏻👍🏻呢個愛玉花釀其實係一大團既啫喱狀物體，小二會教你要由中間吉穿作開始食，而中間既就係一d碎冰同埋珍珠等等既配料🤔估唔到食落又幾有驚喜，啫喱屬於偏硬身，配合碎冰咁食冰冰涼涼咁絕對係啫喱既一個昇華作用，同時各部分充斥着桂花味既清香，甜而不膩，消暑佳品，同時淡味既配料又可以增添食落既口感，絕對值得一試👍🏻👍🏻👍🏻😍😍😍最後就係呢個糖不甩三食，見到有兩隻色既糖不甩，右邊係原味，左邊應該加入左d草葉製成（似係艾草）食落有些少苦澀味。配料方面就有三種，黃豆粉，花生糖，抹茶粉，所以叫做三食🙊叫做幾特別但食落冇乜驚喜🤔