幸福餅店 (Closed)

烈日當空 係鰂魚涌辦完事之後隨意走走。街角見到呢間小店-幸福餅店 其實係地鐵站附近~簡約而潔白的鋪面吸引了我..反正忙完 梗係對自己好一點 甜品是必須的。櫥窗位一目了然 看到除了精緻的mini cake外,仲有店的自家製曲奇餅和幸福花草茶系列。mini cake整齊的show出來。店員好熱情推介店內的曲奇,仲可以試食。個人比較喜歡Earl Grey同Green Tea味 下午茶時間有cake set 可以揀一件mini cake加一杯飲品。於是我就試了美肌茶同新推出的Rose。外面一般都很少有玫瑰味的蛋糕 一於試下。rose外面都是玫瑰花瓣,jelly同mousse,入面有黑加侖子的夾心,微酸。整體甜而不膩,一試愛上。而美肌茶有玫瑰花金盞花等 飲落甜甜地很清新。同cake配起來相當夾。雖然店內唔算很大,但可以靜靜地坐下,睇下街外的人來去匆匆。與店員閒聊幾句 她介紹呢間係新開分店,總店在北角 有機會都可以再去嘆返件cake