炳記茶檔

Open Now

Now Closed

門口冇寫明排隊位置，平日去到未見有好多人排以為等緊外賣。豬扒麵，$28，湯底同麵底都同平時茶餐廳冇乜分別，我覺得出色同埋有驚喜嘅係豬扒，醬油同黑椒都好入味，肉質又唔會話好柴，而且都有4-5舊，數量唔會話好少。凍奶茶，$20，茶味十分香濃，口感亦都順滑，略嫌價錢有啲貴。個味道好特別，喺出邊暫時未飲過。奶醬多，$13，真係好抵食，大大件，啲花生醬同埋煉奶又好夠，唔會食食吓覺得好乾。本身用個包都好厚，而且兩邊都有烘底，口感香脆。