Video
Read full review
2019-12-16
653 views
好耐無同大學朋友聚餐，難得終於約岩時間，就花少少心思搵間好食處一齊圍爐。漫無目的東找西找，搵到呢間新開無耐嘅小餐廳，地理位置都算方便，朗屏站 B2 出口沿天橋行大概10分鐘左右，見到惠康後轉入後街就係。餐廳面積唔算大，裝潢簡約，色調以石屎灰、純白為主，坐得都算舒服。同埋可能新開無耐，客源有待增長中，所以聚餐當天同朋友傾耐少少都唔怕有客人等位搞到要趕住走。🤣臨近聖誕嘅關係，店員一開始有介紹聖誕套餐 setsss，不過因為同行嘅友伴戰鬥力都唔算強，所以我哋最後散叫：頭盤係燒雞胸·凱撒沙律（HKD68）、小食要咗黑松露芝士薯條（HKD48）、主食就清清地要烤雞胸配野菌意大利飯（HKD82）、另外再要多個風乾火腿瑪嘉麗塔薄餅（HKD88）。燒雞胸·凱撒沙律勝在夠 light，因為我個人好怕又滯又溜嘅沙律醬，菜幾新鮮、爽脆，不過伴隨嘅溏心蛋就略嫌咸咗少少，同雞胸燒到有啲啲乾。然後黑松露芝士薯條就係理想與現實嘅差異😂🙈，我哋叫之前，想像係原切薯條，然後有一大pat 溶咗嘅芝士醬淋喺面；而結果卻係普通size 嘅薯條、再加灑咗啲芝士粉喺面。其實都好食嘅，只係同預想嘅有少少出入啫😂。同埋現實呢個版本都
臨近聖誕嘅關係，店員一開始有介紹聖誕套餐 setsss，不過因為同行嘅友伴戰鬥力都唔算強，所以我哋最後散叫：頭盤係燒雞胸·凱撒沙律（HKD68）、小食要咗黑松露芝士薯條（HKD48）、主食就清清地要烤雞胸配野菌意大利飯（HKD82）、另外再要多個風乾火腿瑪嘉麗塔薄餅（HKD88）。
燒雞胸·凱撒沙律勝在夠 light，因為我個人好怕又滯又溜嘅沙律醬，菜幾新鮮、爽脆，不過伴隨嘅溏心蛋就略嫌咸咗少少，同雞胸燒到有啲啲乾。
然後黑松露芝士薯條就係理想與現實嘅差異😂🙈，我哋叫之前，想像係原切薯條，然後有一大pat 溶咗嘅芝士醬淋喺面；而結果卻係普通size 嘅薯條、再加灑咗啲芝士粉喺面。其實都好食嘅，只係同預想嘅有少少出入啫😂。同埋現實呢個版本都有一個好處，就係食多幾條都唔會覺得滯（相比「幻想版」應該食多兩三條就感「不了」😂）。
喜出望外嘅係個意大利飯，煮得岩岩好，唔會水得滯，粒粒飯都有芝士汁包圍，而且調味適中，同行朋友都好鍾意。
至於薄餅方面實測過真係可以拉絲！薄底pizza最合心意！雖然配菜唔多，但因為有風乾火腿吊味，味道簡單得嚟又夠滋味。
最後嘢飲方面，試晒兩款沙冰：香蕉士多啤梨沙冰、雜莓沙冰。見住店員真係放啲生果入攪拌機去攪，感覺好健康😂！香蕉士多啤梨味道清甜，質感好綿密。至於雜莓，亦即藍莓就味道真係好藍莓😂，雖然好似講緊廢話，但真心藍莓沙冰味道相對清新好多，無任何人工甜味嘅感覺，健康一族大推可以一試。
大家去開元朗就撐下小店啦！
燒雞胸·凱撒沙律
$68
22 views
0 likes
0 comments
黑松露芝士薯條
$48
24 views
0 likes
0 comments
烤雞胸配野菌意大利飯
$82
24 views
0 likes
0 comments
風乾火腿瑪嘉麗塔薄餅
$88
12 views
0 likes
0 comments
Post
