Video
Read full review
2022-06-20
414 views
有日同班朋友經過附近，講起好耐冇食過打冷嘢，就行咗去廟街，諗住求其搵一間試吓，見到呢間出邊排滿晒枱，仲好多人，我哋就走咗去試🤣 結果就坐咗係一班叔叔中間🤣 我地一坐低就嗌返兩支青島啤啤佢🍻🍺估唔到佢個蠔餅咁好食！炸到好鬆脆，啲蠔仔都算新鮮👍👍滷水墨魚拼鵝片，打冷冇可能唔嗌滷水嘢，佢哋啲滷水都算幾好味，不過略嫌有少少鹹，同埋冇俾醋我哋點🙊其實我哋仲嗌左蠔仔粥，蒜蓉炒菜，椒鹽鮮魷，不過掛住食同飲啤酒，唔記得影相🤣整體食物質素其實都幾好，好有鑊氣，衛生程度就自行判斷🙊。不過食得街邊嘢，其實都係想感受返個街頭風味，周圍好熱鬧，有枱叔叔嬸嬸一齊喺度猜枚玩骰盅，好耐冇感受過呢啲咁地道同麻甩嘅vibe🤙
估唔到佢個蠔餅咁好食！炸到好鬆脆，啲蠔仔都算新鮮👍👍
滷水墨魚拼鵝片，打冷冇可能唔嗌滷水嘢，佢哋啲滷水都算幾好味，不過略嫌有少少鹹，同埋冇俾醋我哋點🙊
其實我哋仲嗌左蠔仔粥，蒜蓉炒菜，椒鹽鮮魷，不過掛住食同飲啤酒，唔記得影相🤣整體食物質素其實都幾好，好有鑊氣，衛生程度就自行判斷🙊。
不過食得街邊嘢，其實都係想感受返個街頭風味，周圍好熱鬧，有枱叔叔嬸嬸一齊喺度猜枚玩骰盅，好耐冇感受過呢啲咁地道同麻甩嘅vibe🤙
Post
