香港01空間 (Closed)

今日同同事外出食晏 佢話帶我到灣仔食cafe 間cafe同一般既旺角cafe好唔同！果然 呢到連個樓底都高過人 一入到黎就有陣好濃厚既藝術氣息 坐係裡面望住外面人來人往 車來車往 突然覺得自己好識放慢生活做人我叫左個意粉set lunch 包一份主菜 沙律同飲品（$88）意粉方面叫左肉醬意粉 飲品就叫左熱烏龍茶！其實$88食個普通肉醬意粉有d貴 但唔理咁多喇 既然黎到 試左食物先！原來係肉醬闊條麵 少見餐廳用闊條麵黎整 但食落同一般肉醬意粉無異 只係無咁濃味！反而最特別係杯熱烏龍茶！飲落有陣小麥味 而且又甜甜地 應該落左蜜糖 比起平時飲開枝裝既味道複雜好多