喵一下 (Closed)

係IG見到好多貓貓狗狗黎呢度打卡，我滿心期待同小狗黎享受寶貴既假期，卻換來徹底的失望。我好欣賞餐廳夠大，裝修好有特色，連廁所都好靚，好有新鮮感，而且寵物可以同主人一齊坐，絕對係pet friendly。平日午飯時間無爆滿，老細比左佢用緊既枱我地坐，但佢就咁攞開d野就算，無抹過張枱比我，我已經有少少不安。大佬，疫情是不是該注意衛生？😐職員一輪嘴話銀雪魚、秋刀魚、天婦羅餐無晒，我心諗一點幾就無晒我最想食既餐🥺點完餐，我摸到張枱好痴立立，起初以為懷舊既枱係咁既質地。我太得閒攞張消毒濕紙巾抹下，抹完發現張枱無再痴立立😳究竟張枱有幾耐無抹過？！食物送黎勒，影完一輪相，抹下筷子準備開餐，張紙巾抹到有黑色，點解有隻筷子可以咁污糟😵‍💫唔緊要，我用枱上面另一set筷子，應該乾淨既。事後我諗緊係咪老細支粗黑色墨水筆d墨hi到隻筷子😨食物連飲品加埋都百零蚊，唔平唔貴啦，但食物份量少，質素亦麻麻地，對唔住個價錢囉。食物貌相都一般，可能係我唔識影相啦😟臨走同小狗係門口既場景影相，傢私擺設好懷舊，但係舊唔等於要污糟🤯張張凳都有塵有毛有碎屑，我唔敢比我隻狗坐😖衛生環境真係好惡劣！如果唔在乎衛生和食物質素，絕對值得