Video
Read full review
2021-05-27
171 views
同老公第一次食呢間，坐低後，女侍應好快就遞上主餐牌同一碟花生(上Openrice睇先知，原來呢碟花生要$8，餐牌內並冇列明；茗茶$10/位)。一般長洲海鮮餐廳都會有$1xx/2餸餐或$2xx/3餸餐等等揀，但女侍應俾我哋嗰份餐牌，並冇餐揀，問佢先俾，然後再加多句「呢啲細份啲，同埋係冰鮮架」我同老公都冇乜所謂啦，諗住試下啫，仆佢個乖，為接下來嘅中伏掀起序幕。揀咗個三餸海鮮餐，送一個湯同一碟菜，問女侍應有咩菜揀，女侍應稱「我哋呢到主要食海鮮，所以菜只得兩款，一係西蘭花，一係生菜，廚房煮咩就係咩」⋯由於我唔食生菜，就問「可摸耳問下廚房出西蘭花得唔得啊～」人肉錄音機女侍應稱「都係嗰句啦，廚房出咩就出咩，同埋菜係送架，冇得叫佢哋出咩架」(其實呢刻未落單，就應該走，錯L哂 ⋯)但因為老公好想食蟹，我哋又坐低咗碗都洗埋(碗/餐具/茶杯/茶壺全部都痴𥹉𥹉)，而女侍應又講到咁，我就費事再問。湯同菜好快上咗，湯飲到一大半，先見到有隻飛飛喺入面(我D......)一望碟生菜，黃黃霉霉咁，就撩下佢，點知又係有飛飛...... 但仲有三個主菜未上，唔敢同女侍應反映以上情況(怕加料呀......)另外三個餸都
一般長洲海鮮餐廳都會有$1xx/2餸餐或$2xx/3餸餐等等揀，但女侍應俾我哋嗰份餐牌，並冇餐揀，問佢先俾，然後再加多句「呢啲細份啲，同埋係冰鮮架」我同老公都冇乜所謂啦，諗住試下啫，仆佢個乖，為接下來嘅中伏掀起序幕。
揀咗個三餸海鮮餐，送一個湯同一碟菜，問女侍應有咩菜揀，女侍應稱「我哋呢到主要食海鮮，所以菜只得兩款，一係西蘭花，一係生菜，廚房煮咩就係咩」⋯由於我唔食生菜，就問「可摸耳問下廚房出西蘭花得唔得啊～」人肉錄音機女侍應稱「都係嗰句啦，廚房出咩就出咩，同埋菜係送架，冇得叫佢哋出咩架」(其實呢刻未落單，就應該走，錯L哂 ⋯)但因為老公好想食蟹，我哋又坐低咗碗都洗埋(碗/餐具/茶杯/茶壺全部都痴𥹉𥹉)，而女侍應又講到咁，我就費事再問。
湯同菜好快上咗，湯飲到一大半，先見到有隻飛飛喺入面(我D......)一望碟生菜，黃黃霉霉咁，就撩下佢，點知又係有飛飛...... 但仲有三個主菜未上，唔敢同女侍應反映以上情況(怕加料呀......)
另外三個餸都上喇～
雞煲：有六至七件左右啦，咬第一啖覺得好夠味夠火喉，諗住不會再伏吧...... 一拎開望望，DLS，入面仲係生嘅，食第二件都一樣
椒鹽炒蝦：有十至十二隻左右，味道正常，新鮮度欠佳
避風塘炒蟹：有兩隻細過手掌心嘅蟹仔，味道正常
總共四餸一湯，得兩碟係正常，咁係正常嗎?
最後埋單$296，三餸餐$238，一枝啤酒$30，茗茶加花生$28。呢個價錢雖說不貴，但都唔L駛劣食到咁呀...... 呢間餐廳仲巧立名目話係「全長洲最平乜乜乜」，肯肯定喺長洲必定有其他海鮮餐廳質素係比佢好，且價錢亦係相約的。
強烈唔建議大家去食。
強烈唔建議大家去食。
強烈唔建議大家去食。
重要的事情要講三次。
Post
