東悅冰室 (Closed)

同老婆係屋企附近搵食，今日就搵到呢間東悅冰室，門面都算幾靚，但估唔到入面其實幾細，得挛七張枱。我叫左個雞扒公仔麵，老實雞扒係煎得好香好好味～外脆之餘，d肉又唔會煎到乾哂，都仲幾有肉汁。整體感覺唔錯！係會想再食～不過份量就比較細碗。老婆叫左個常餐，沙嗲牛麵d沙嗲牛就少得可憐～包、煎蛋同腸仔就中規中矩。整體黎講，食物方面，係絕對合格。不過衛生情況好似一般。後門無閂，係用餐位置可以望到後巷，都好影響食欲。