鋒哥廚房 (Closed)

喺OpenRice見到呢間嘢有成200個人讚好，又見到有我最鍾意嘅海鮮決定試一試。點知一入到去坐低冇耐已經見到有好多蚊仔同埋烏蠅飛來飛去，尤其係擺菜嗰度係超級多，直頭係有職員企係到用手撥😹我地心諗都已經坐低左，咁唔夾菜食啦，食多啲其他野。 我依家順次序講下食左啲咩，點解覺得咁差：1. 烤魚，炸完條魚直接dun落勁多湯嘅煲入邊，根本唔係「烤」魚2. 雞煲，斬左勁多關節位….大舊嘅肉係勁少望落根本冇胃口3.邊爐，老實講呢樣係最期待，佢嘅海鮮種類的確好多，鮑魚、蟹、貴妃蚌、蟶子仔等等，心諗食多啲海鮮都可以回本掛。點知貴妃蚌、蟶子仔係勁多沙、鮑魚因為突然有烏蠅飛左落去冇食，蟹食左一舊算正常，點知第二舊一入口我已經即刻lur返出黎，喺壞嘅😹我地叫職員過黎諗住投訴下，佢話不如調個位，但其實呢樣嘢唔關位置事根本個餐廳真係好多飛蚊個啲嘢。跟住佢同我講換個煲，叫我唔好再夾啲蟹，但其實我唔夾啲蟹係咪解決左件事？成餐飯連加一差唔多4舊水，我係咪應該食到應該有嘅食物先？食到呢到真係嬲到頂唔住，甜品都冇食即可買單走（職員有道歉同埋俾左8折）。原本個套餐係食2個半鐘，我地淨係坐左一個鐘已經唔想繼續食。