明星海鮮酒家 (Closed)

因為見到明星晚飯做海鮮優惠，就想去試一試。沙巴龍躉兩味不錯，大份，煮得好味，但有少少重口味，而且多油。乳鴿抵食好味，只需28蚊一隻。蒜蓉蒸聖子都算新鮮，而且大隻，70蚊有4隻，抵食。薑蔥桶蠔煲，蠔係炸左先，再同薑蔥一齊落煲，所以一上菜係好香，有六隻，但蠔有大有細，細好乾。最失望既係澳洲鮑魚，28蚊一隻，一上枱已經好意外鮑魚點解可以甘乾淨，一拎上手發現係離殻，重點唔鮮甜，就知係雪藏。好難接受酒樓俾雪藏貨。