Video
Read full review
2020-02-24
2126 views
Belon #中環 ❗️米芝蓮一星法國菜❗️為期兩星期嘅Black series圓滿結束，好開心可以把握到最後機會試到belon🤩🤩🤩Black series期間，可以平價嘗試到black sheep restaurants嘅餐廳，呢間已經係我今年第五間，全部都非常高質。作為米芝蓮一星嘅Belon，亞洲第15，全世界第96嘅餐廳，當然價格唔平，但的確每一道菜嘅配搭都非常創新，為味蕾帶來衝擊‼️主打食法國fusion菜，環境舒適，高級得來唔會覺得周身唔舒服，服務一流。$688/1一到埗，侍應攞出佢哋嘅menu作簡單介紹，之後就一道一道咁送上，速度快，服務態度都好好💕。首先送上嘅係1️⃣熱辣辣嘅(Extra) cream cheese puff忌廉芝士泡芙🧀完全冇諗過個泡芙係熱，入口芝士爆曬出嚟，好rich又creamy！之後再配上佢哋嘅2️⃣House made naturally leavened bread with salted Brittany butter 自家製天然酵母麵包配布列塔尼牛油🍞🧈同Saucisson de biogorre比弋爾風乾豬肉腸🐷，香脆富有口感嘅sourdough配鹹
❗️米芝蓮一星法國菜❗️
為期兩星期嘅Black series圓滿結束，好開心可以把握到最後機會試到belon🤩🤩🤩Black series期間，可以平價嘗試到black sheep restaurants嘅餐廳，呢間已經係我今年第五間，全部都非常高質。
作為米芝蓮一星嘅Belon，亞洲第15，全世界第96嘅餐廳，當然價格唔平，但的確每一道菜嘅配搭都非常創新，為味蕾帶來衝擊‼️主打食法國fusion菜，環境舒適，高級得來唔會覺得周身唔舒服，服務一流。
$688/1
一到埗，侍應攞出佢哋嘅menu作簡單介紹，之後就一道一道咁送上，速度快，服務態度都好好💕。
首先送上嘅係1️⃣熱辣辣嘅(Extra) cream cheese puff忌廉芝士泡芙🧀完全冇諗過個泡芙係熱，入口芝士爆曬出嚟，好rich又creamy！之後再配上佢哋嘅2️⃣House made naturally leavened bread with salted Brittany butter 自家製天然酵母麵包配布列塔尼牛油🍞🧈同Saucisson de biogorre比弋爾風乾豬肉腸🐷，香脆富有口感嘅sourdough配鹹香味重嘅豬肉腸，係一個好嘅開始🤤。
其後就係頭盤。3️⃣Sweet shrimp with chinese celery 甜蝦配唐芹🍤完全係對味蕾嘅衝擊，唔鍾意食唐芹嘅我覺得可以❤️將唐芹打食啫喱狀放喺底，然後再配上非常細滑嘅燉蛋白，加埋鮮甜嘅蝦仁，散發着鮮味，成個味道非常創新✨。
4️⃣Hamachi salad Nicosie 油甘魚尼斯沙律相對上普通啲，就係油甘魚刺身配上沙律菜，不過油甘魚都幾新鮮而且充滿油脂😛。
5️⃣Hokkaido scallop with shio kombu and pomelo 北海道帶子配柚子昆布，又係另一道衝擊味蕾嘅菜式😱單睇個名，覺得啲食材好簡單，點知係用上意大利雲吞皮包住半生熟嘅帶子，再配上柚子昆布醬。醬汁應該用上忌廉等材料，令到成個醬汁帶有奶香，酸酸甜甜得來亦非常creamy，超鍾意嗰醬汁🤩！
終於嚟到主菜！6️⃣Half/ whole roasted chicken with petits poise a la francaise 烤半隻/原隻走地雞配法式青豆🐔。作為招牌菜，雞肉果然非常嫩滑，廚師刻意係煮食嘅過程之中唔烤到全熟，再用餘溫慢慢焗熟，再喺雞下釀菠菜茸，豐富成個味道✨。可惜並非每一件雞都有菠菜茸，而且個菠菜茸較為實，容易同雞肉、雞皮分離😶。味道方面同港式豉油雞有啲類似，未算突出🙈。相反，個side dish薯蓉就非常好味，用上大量但唔膩嘅牛油忌廉，再配上香蔥、煙肉、青豆，成個薯蓉十分creamy，奶味十足🤤🤤🤤！
7️⃣Millefeuille 拿破崙蛋糕，係我食過最好食嘅拿破崙🥰超級鬆化嘅酥皮，配上含有雲呢拿籽嘅吉士醬，酥皮同吉士醬嘅比例剛剛好，絕對唔會覺得甜膩，再配上酸酸嘅果醬，絕對係味覺嘅最高享受🥳🥳🥳！
最後仲送上8️⃣檸檬味嘅Madeleine馬德蓮，新鮮烤焗，外層微脆，倘算鬆軟。
好欣賞佢哋對於食物嘅運用，大部份嘅菜式都衝擊左我嘅味蕾，係從未食過嘅味道🤯！特別係個拿破崙真係回味無窮！不過所有菜式都偏鹹，而且法國菜份量唔多，值唔值$700就見仁見智🙈
Post
