中意仿

Open Now

Now Closed

生日就係有口福😋好友極力邀請到鯉景灣不起眼嘅「中意仿」，門面就係親民裝修嘅街坊食店，估唔到係一個臥虎藏龍嘅地方，除咗一般餐牌嘅小菜之外，原來仲有中式版嘅Omekase，即係私房菜😆1。魚子醬伴手拆瀨尿蝦一共有三層；第一層夾雜魚子醬食，魚子醬喺口裏面爆開，再加埋瀨尿蝦嘅鮮味，完全係衝擊味蕾之作😋😋😋第二層有啲青檸皮碎伴食，帶有泰式涼拌嘅清新第三層配合特制醬汁，少辣開胃，呢度菜作為頭盤，為今晚嘅完美晚餐揭開序幕😍2。手拆松葉蟹素翅湯頭足味，最驚艷係廚師人手拆嘅松葉蟹肉，鮮味十足，無蟹腥味，絕對唔係一般交貨嘅蟹肉可比3。白灼澳洲牛肩胛鮮嫩幼滑，處理時間啱啱好，就連墊底嘅芽菜都食到一條不漏4。花竹蝦粉絲煲送上枱已經充滿蝦油香味，食落更加不得了，你絕對係食到隻蝦嘅新鮮彈牙質感，每隻蝦頭都充滿蝦膏，好食到想連啲殼都食埋，個粉絲送飯簡直係一絕5。豉椒蟶子炸米粉（位上）爽、彈、脆，廚師仲要細心到將蟶子切細，女仔食都唔使驚尷尬，食到成嘴都係汁6。甜品拼盤最後當然要用佢哋最馳名嘅特式甜品作為完美嘅句號，佢哋每日都會有十幾款甜品選擇，每款份量唔會好多，就算有選擇困難症嘅我，試多幾款都唔會有罪惡感，加上服務員