Video
Read full review
2023-03-28
380 views
大半年前睇完網上既片去咗試呢間嘅水牛城炸雞雲呢拿雪糕漢堡同牛油果鴨髀漢堡🤣🤣呢間位於觀塘工廈入邊嘅Cafe，主打玩味又特別嘅漢堡，簡單來講就係將啲風馬牛不相及嘅組合放埋一齊🍔🤣 本身都有少少懷着試伏嘅心態嚟嘅，但係最尾個雪糕炸雞漢堡又真係比到幾大驚喜我😚1. 水牛城炸雞雲呢拿雪糕漢堡 $129睇相都覺得好震撼😳😳一個巨無霸裏邊有兩大球雪糕再加一大塊雞扒（冇錯，佢啲漢堡全部好似滿瀉出嚟咁，所以講真都幾難咬嘅😅😅）不過講返呢個組合，雖然好似好奇怪咁，但係諗落係有心思嘅。因為佢水牛城嗰個辣汁，係同雪糕嘅Creamy奶味係夾嘅（平時食辣嘢你都會搵牛奶中和啦😂😂）有冰火交融嘅感覺，再加上塊雞扒大大塊，所以食落好滿足！👩🏻💻8/102. 牛油果法式布里鴨髀漢堡$135相比之下我覺得呢個就冇炸雞雪糕漢堡咁好食（佢仲要貴少少添）其實個牛油果醬係smooth嘅，但連埋個鴨髀食好似冇乜驚喜咁，至少做唔到嗰種1+1大於二嘅協同效應🥲我唔會話伏，因為食落口係順口，又有墨西哥脆片增加口感，但係就食唔出嗰種玩味漢堡嘅特色😅😅👩🏻💻6.5/10如果咁啱喺觀塘附近，又想試吓啲新派特色菜嘅話，呢間都會係幾好嘅選擇！
呢間位於觀塘工廈入邊嘅Cafe，主打玩味又特別嘅漢堡，簡單來講就係將啲風馬牛不相及嘅組合放埋一齊🍔🤣 本身都有少少懷着試伏嘅心態嚟嘅，但係最尾個雪糕炸雞漢堡又真係比到幾大驚喜我😚
1. 水牛城炸雞雲呢拿雪糕漢堡 $129
睇相都覺得好震撼😳😳一個巨無霸裏邊有兩大球雪糕再加一大塊雞扒（冇錯，佢啲漢堡全部好似滿瀉出嚟咁，所以講真都幾難咬嘅😅😅）不過講返呢個組合，雖然好似好奇怪咁，但係諗落係有心思嘅。因為佢水牛城嗰個辣汁，係同雪糕嘅Creamy奶味係夾嘅（平時食辣嘢你都會搵牛奶中和啦😂😂）有冰火交融嘅感覺，再加上塊雞扒大大塊，所以食落好滿足！
👩🏻💻8/10
2. 牛油果法式布里鴨髀漢堡$135
相比之下我覺得呢個就冇炸雞雪糕漢堡咁好食（佢仲要貴少少添）其實個牛油果醬係smooth嘅，但連埋個鴨髀食好似冇乜驚喜咁，至少做唔到嗰種1+1大於二嘅協同效應🥲我唔會話伏，因為食落口係順口，又有墨西哥脆片增加口感，但係就食唔出嗰種玩味漢堡嘅特色😅😅
👩🏻💻6.5/10
如果咁啱喺觀塘附近，又想試吓啲新派特色菜嘅話，呢間都會係幾好嘅選擇！
Post
