意粉屋 (Closed)

鍾意去意粉屋無他的，純粹因坐得舒服、坐得耐。兩年前意粉屋仲未有任何素食選擇，我去到係無啖好食。當時嬲嬲地寫咗張客戶意見，建議佢哋至少加返一份GREEN選擇，唔知佢哋真係睇到我嘅意見定其他好多因素(如GREEN MONDAY愈來愈HIT)，今時今日嘅意粉屋真係有一份特定嘅GREEN餐。環境：當日同老爸LUNCH去，好多位，無咩人，位與位之間又好闊，超舒服。食物：一坐低就ORDER兩份GREEN，仲有意大利菜湯，問咗係無肉的，但好遺憾嚟咗兩條春卷物體，而我忘記咗問有無肉就大口大口咬落去，懷疑可能都有啲肉。建議設計GREEN菜色時，要由湯、前菜至主菜都係GREEN先得，唔係你叫素食者淨係食主菜，其他唔要﹖ANYWAY，個素意粉係好簡單，得啲菇類，賣相、味道都亳無特色，但起碼有誠意推出，都叫照顧下我哋啲素食者先啦，所以我都會再去食咖。服務：無特別體驗，因為過程好快、得幾個客、食完埋單走人。總結：特別欣賞本來唔係素食的餐廳加入素餐，証明佢哋同市場同步，知道飲食界發生緊咩事，加上要傳統廚師做一款素食唔容易，特別係鏈鎖店，有好多步驟要協調，所以今次係為佢哋嘅誠意加分。