Burger Land (Closed)

今日就介紹一間係荃灣既黃色小店叫，因為我發現我都好耐冇post過burger，所以好隨意入左間叫「Burger Land」小店！舖頭雖然又細又窄，加上限聚令，成間店只可以坐4個人左右，但佢既漢堡的確係整得幾好味同高質👍🏻！我就叫左「貝羅菇雙重芝士牛肉漢堡」，漢堡扒用左安格斯牛肉，經煎過後，牛味更出🥴。有樣要讚讚佢，生菜🥬同蕃茄🍅食落新鮮同脆口，同漢堡扒口感上有強烈相比😋！芝士加埋秘製醬汁，芝士味道鹹香，而秘製醬汁帶點甜，更帶出牛肉肉味🤤！另外，麵包都幾軟熟，煎香過，暖暖地，變得更鬆軟！漢堡用料高質✨，製作用心，味道真唔錯👍🏻！有人話佢既漢堡好大個，坦白我就有D保留🌝！之前我食過既黃店真比佢更平更大個都有！同埋，我覺得呢間小店定價有點高，加薯條轉套餐要$32，所以我冇試，可能同樣用料新鮮，不如你地試完話我聽？