百味鮮辣蟹專門店 (Closed)

之前在舊鋪食過，搬左新鋪，地方大了好多，上次食晚餐的時候，見到有人食私房菜，問下老闆，原來有一啲菜係餐牌無既，要食圍頭，好似私房菜咁，由於平時啲海鮮同小菜都唔錯，於是約齊一班朋友，搵左一日黎試，真係好得喎，食既嘢唔係平時出面有得食既，買相好精緻，由頭盤到生果，非常得!頭盤好開胃，有凍螺，燻蹄，雲耳，車同車厘茄，雲耳落左WASaBi 同陳醋，酸酸地真係好開胃，車厘茄真係好好味，我最鍾意，因為好有心機，車厘茄係粒粒都去左皮，仲有桂花香，甜甜地呢個以蟹肉為主，用左小堂菜整左好似玫瑰花咁做伴碟好靚呀，蟹肉上面的是燕窩同蟹籽，加埋紫洋蔥，顏色豐富又名貴~香檳汁龍伴波菜麵，海鮮中我最鍾意食龍蝦，個汁好特別，龍蝦好新鮮，啖啖肉，第一次食波菜麵，又幾好食喎果皮蒸就食得多啦，乾煎又未試過喎，估唔到味道又OK 喎，絶對唔會晒左啲鮑魚，南非鮑真係好食過大連鮑，配埋啲新鮮既露筍，真睇得又食得。呢個上枱時個鍋己好有氣勢，雲南氣鍋雞聽就聽得多啦，試就真係未試過啦，個湯好清，啲味好出，啲雞腳好似中左化骨綿掌咁，朋友們都對呢個湯讚不絶口~ 冰鎮咕嚕肉，外脆肉暖，好似食拔絲咁，甜酸岩岩好，加埋冰底冰住，令到出面更加脆火