博派麵館 (Closed)

係荃灣搵野食其實都幾難，一黎多人，二黎好多都食過，百無聊賴，係橫街左穿右插，見到呢間博派麵館!!應該係主題餐廳吧??入去一試!一入餐廳，見到店員都著住 transformer logo既衫又有柯栢文既頭，但點解寫住危險!?原來餐廳仲有自家製辣椒油，有隻叫一滴辣，應該一滴就辣到噴火以為係 transformer主題，原來唔係店員話 transformer只係gimmick，主打係自家製既魚湯同骨湯既粉麵，兩款湯底都係精心熬製，試下係咪講既咁勁秋而粉麵可以自由配搭的，都有五種選擇而餐廳仲有一款特色小食，炸珍珠奶茶第一次聽呢款小食，但我唔敢試，叫左下邊三款算了手拍青瓜，一上以為佢落和風醬(日式芝麻醬)，但點知完全兩回事! 食到係黑醋醬同辣椒，但點解啡色真係唔知了應該仲有加其實醬汁。青瓜夠凍夠爽，加上黑醋既酸，清爽開胃涼拌雞翼好厚身，隻隻都係啖啖肉既肥雞翼尖。煮得夠腍，雪得夠凍，雞皮十分彈牙可惜個醬一般，欠缺辣味芝士薯蓉燒蕃茄好香!雖然都算係大路野，但中間既薯蓉煙肉好香!而且薯蓉夠哂粉，入口有煙肉既香，薯仔澱粉質既甜豬軟骨豬腸湯米粉呢個係用骨湯底，店員話熬足8個鐘!湯底入口超清甜，好柔好順口。