Video
Read full review
2012-10-06
878 views
太太鍾意食壽司廣嘅十六件壽司Set預早兩日打電話訂咗1pm兩位。我哋已經早咗十五分鐘到，一出Lift已經見到約五個人嘅隊。咁我入去Counter諗住攞位，個疑似經理好忙咁攪緊D單。我同佢講我個名，訂咗兩位一點。個經理望都冇望我一眼，講〝係，你兩位請等等。〞亦冇Check嗰張訂位嘅List。咁我唯有企過一邊等啦。如是者之後兩三Group人都係一樣，呢個時侯成個入口位置已經有十幾人係度。有啲比較遲〝登記〞嘅人因為冇位企所以企咗係Counter前面。到有空枱喇，呢個時侯呀經理先生終於抬起頭，就問〝你三位呀?〞〝你兩位呀?〞而佢問嘅次序係根據佢嘅視線及距離。咁企得近嗰D好快就有位喇。尤其可憐我見到兩個日本人掛住傾偈冇留意呢個攞位機制，最早到反而最遲有得坐低。由始至終，無論啲人話有冇訂位，佢都冇望過張Booking List。其實如果係咁佢可以唔接受電話訂位，要排隊，又或者派籌，咁可能都好少少。佢依家呢個名存實亡嘅訂位制度係不能再差嘅！我話不如走啦，太太話等吓，咁等囉，約等咗廿分鐘終於坐得低。我哋叫咗一個十六件壽司Set加一個炸海鮮Set。其實只要過得到門口呢關，佢哋嘅服務係唔錯嘅。前菜豐富非常
預早兩日打電話訂咗1pm兩位。
我哋已經早咗十五分鐘到，一出Lift已經見到約五個人嘅隊。
咁我入去Counter諗住攞位，個疑似經理好忙咁攪緊D單。
我同佢講我個名，訂咗兩位一點。
個經理望都冇望我一眼，講〝係，你兩位請等等。〞
亦冇Check嗰張訂位嘅List。
咁我唯有企過一邊等啦。
如是者之後兩三Group人都係一樣，呢個時侯成個入口位置已經有十幾人係度。
有啲比較遲〝登記〞嘅人因為冇位企所以企咗係Counter前面。
到有空枱喇，呢個時侯呀經理先生終於抬起頭，就問〝你三位呀?〞〝你兩位呀?〞
而佢問嘅次序係根據佢嘅視線及距離。
咁企得近嗰D好快就有位喇。
尤其可憐我見到兩個日本人掛住傾偈冇留意呢個攞位機制，最早到反而最遲有得坐低。
由始至終，無論啲人話有冇訂位，佢都冇望過張Booking List。
其實如果係咁佢可以唔接受電話訂位，要排隊，又或者派籌，咁可能都好少少。
佢依家呢個名存實亡嘅訂位制度係不能再差嘅！
我話不如走啦，太太話等吓，咁等囉，
約等咗廿分鐘終於坐得低。
我哋叫咗一個十六件壽司Set加一個炸海鮮Set。
其實只要過得到門口呢關，佢哋嘅服務係唔錯嘅。
前菜豐富非常，但如果叫嘅Set有飯嘅話碗飯係會同前菜一齊上嘅。
到上主菜時碗飯通常已經凍哂。
我已經慣咗而且見佢哋好忙咁衝嚟衝去都唔忍心叫佢換。
刺身我扮識食...話唔食三文魚，咁佢哋俾咗一種白身魚我。三種刺身都好靚好新鮮！我問服務員佢話呢種係深海池魚~
講開又講好似從未係度食過好食嘅三文魚刺身。
個炸海鮮就只係OK，頗油，有D炸到甩皮甩骨嘅感覺。好在個海鮮醬係似Tonkichi嗰隻，幾好味。
之前係呢度食過一次好好味嘅炸雞Set，所以我先冒呢個險。
太太叫嘅十六件壽司，素質一向都好穩定。全部都好新鮮，係有時D紫菜會腍些少，唯有食咗D〝軍艦〞先啦。
不幸地，我左邊張枱同右邊張枱咁啱係識嘅。其中一個女人係我太太身後成日行嚟行去傾計好鬼煩。
點解呢個女人唔使食嘢咁得閒講嘢呢?
從佢講電話得知佢等緊佢正由沙田出緊嚟尖沙咀嘅老公先叫嘢食 -_____-
唉人哋D枱已經咁緊張。
唔如呢間嘢係咪上咗D乜嘢內地旅行雜誌，又或者近糖朝。
愈嚟愈多內地人嚟食。
再加上如此一個經理守門口，相信我好快要揾過第二間日本料理喇 。
Post
