美中·鴨子 (Closed)

第一次食全鴨，得一碟仔，同我想像嘅份量有一倍嘅落差，但索價港幣320元。味道又不是特別突出，鴨皮帶小肥有油香，肉質唔鞋但沒什麼濃郁嘅鴨味。至於水煮魚就大大盤，一大盤紅紅辣椒好吸睛，魚嘅份量都多，唔麻唔辣得個樣，魚塊嫩滑，食到底有粉皮食，呢個就吸收到啲麻辣味，幾正，再多啲份量就好嘞！值得一試有馬蘭頭卷，喜歡呢種菜有啲苦澀味，一口一啖，所有滋味在心頭嘅感覺。再有炒飯同小籠包，不過不失，但擔擔麵就不建議食，因為得個辣油味，冇花生醬嘅香濃味，麵質又似泡泡麵，冇質感可言。