敏華冰廳 (新都會廣場)

Open Now

Now Closed

葵芳新都會最近新開左一間冰室都一段時間啦，但日日都排隊排到好長龍。見今日都成九點幾先食飯諗住冇乜人排隊，點知門口都有成八九個人等緊。見依間冰室甘hit，咁就唯有等吓啦。但點知入到黎，想叫乜都話冇晒，退而求其次就是但揀左一個常餐。叉燒湯米粉，配煎蛋腸仔多士。好普通嘅湯米粉，啲叉燒又少又薄，又話呢度啲叉燒好出名好好食，但食完覺得同燒味舖嗰啲冇分別。米粉又少食完一啲都唔覺得飽。果兩條腸仔，咸到不得了。食個好普通嘅米粉腸仔蛋都要成$57 ，真係十分之唔值，真係試過就好下次唔會再嚟。而且雖然知道佢好生意，但都唔係咁樣做生意架。啲職員好似講你快啲趕你走咁樣。