Black Coffee

Open Now

Now Closed

第一次去「Black Coffee」係佢啱啱開張嘅時候，第二次去就已經係4年後～🥰仲keep到當年嘅水準，仲有過之而無不及。🔸芝士蕃茄焗肉丸（$92）原個煎pan上陣～肉丸幾有咬口，配上香甜嘅蕃茄醬汁和熱溶芝士🫕，酸酸甜甜幾開胃！如果配麵包或送飯就一流啦！😎另加$50要左一客小食…🔹慢煮口水雞‼推薦‼慢煮口水雞扒係「Black Coffee」嘅招牌！🥰醃得好入味，香辣惹味！👍🏻🔸自家煙燻豬腩配黑啤意大利飯（$138）意大利飯軟硬適中，加上黑啤經過烹調後，酒精揮發殆盡，留下淡淡嘅酒香和麥芽香，味道相當不錯。煙燻豬腩外皮香脆，肥瘦相間，配上新鮮青蘋果🍏果肉清甜酸爽，可以balance一下腩肉嘅膩感。💕🔹朱古力麻糬窩夫配朱古力雪糕（$76）‼推薦‼窩夫外皮超香脆，裏面夾著一層朱古力🍫麻糬，口感煙韌，配上朱古力雪糕冰火交融，鍾意❤️食麻糬嘅，必試之選！💕除咗有精品咖啡☕️之外，仲有特式Cocktail～$68起，好抵飲！🔸青梅竹馬 Childhood Sweetheart （$68）以梅酒作為基酒，配上青蘋果🍏、青檸🍋‍🟩汁、梅果花茶等，杯邊沾滿爆炸糖，入口有驚喜，味道👅香甜易入口。