HASH CAFE (Closed)

今日約咗個好耐冇見嘅朋友食晚餐，她帶咗我去食hash呢間西餐廳。 門口好靚， 看起來優雅高貴。🤩🤩🤩呢個裝飾幾特別，好似一個鳥籠咁，座位可以容納6-7個人左右。蜜糖雞翼：雞翼香脆唔太油，再配少量蜜糖，非常香甜惹味，味道十足。蟹肉車厘茄天使麵：香甜嘅蟹肉， 再配少量青椒絲和車厘茄， 當堂冇咁寡。意粉軟硬適中， 份量足夠，用料十足。燒豬頸肉:聞到一陣陣香濃嘅炭燒味， 肉質幼嫩和帶點juicy， 送到嚟還是暖暖的，再配合適量既沙律，當堂冇咁濟。夏日炎炎，當然要食過綠茶沙冰做甜品啦!清甜既綠茶冰，再配上適量既cream,唔會太甜，表面還有少許杏仁片作裝飾，非常冰凍呀餐牌非常吸引，選擇又多， 價錢相當大眾化。