酥妃皇后 (Closed)

路經見到d tart好靚呀！款式多，即時心心眼！一向唔好酥皮，但賣相實在太吸引，就買幾個唔同口味試吓，睇吓會唔會對酥皮改觀~原味蛋撻及鮮奶撻🍵酥皮~哎呀。。本人真係唔like酥皮，再次食都係冇辦法愛上！至於蛋心及鮮奶心，得個甜字囉，係滑嘅，但完全食唔到有蛋香及鮮奶香味！什果仁撻，果仁新鮮脆口，果仁下面個撻心食唔出係咩味！實實的蛋糕，冇牛油味，可以話係冇味，真係唔知想點！🤷‍♀最正常係個叉燒撻，上層鬆脆得嚟林林哋，叉燒肥膏唔算多。撻嘅賣相令我充滿期望，可能咁，反而失望了~真係俾個樣呃咗，唔會有下次！