Video
Read full review
2005-09-30
21 views
此店原是一個好正既地方, d 野食都幾好食架~~之前仲一個星期幫襯2-3 次, 我真係好鍾意呢度,環境比較靜, 坐得舒服!不過自從發生被歧視事件之後, 我再冇來過話說一個星期五下午, 本人與同事又光顧此店,由於當時店中人客不多故此, 我可以使用店內的電腦上網, 處理私人事務, 請留意, 店內的電腦是只供Aroma Coffee Exchange客人使用, 店內亦未提及有關使用電腦條款及時間限制!當我用了不夠15分鐘,有一位大堂的保安員姓名chris leung的中年男人, 上來大聲地同<請>我離開!!原因是因為我用此電腦上網瀏本人公司之網頁及處理公務!!我立即望一望另外3部電腦位子, 原本有3位外籍人士使用電腦中, 我請問:<點解你趕我, 唔趕d鬼佬?你又知我上網做d 咩?> 保安員就答: <佢地係我地酒店既住客, 2.我見係整理緊d 文件>, 我再問:<不過呢度d 電腦係只供Aroma Coffee Exchange客人使用,你係唔係睇唔見? 仲有, d 鬼佬係你地既房客,唔係Aroma Coffee Exchange客人, 理
不過自從發生被歧視事件之後, 我再冇來過
話說一個星期五下午, 本人與同事又光顧此店,由於當時店中人客不多
故此, 我可以使用店內的電腦上網, 處理私人事務, 請留意, 店內的電腦是只供Aroma Coffee Exchange客人使用, 店內亦未提及有關使用電腦條款及時間限制!
當我用了不夠15分鐘,有一位大堂的保安員姓名chris leung的中年男人, 上來大聲地同<請>我離開!!原因是因為我用此電腦上網瀏本人公司之網頁及處理公務!!
我立即望一望另外3部電腦位子, 原本有3位外籍人士使用電腦中, 我請問:<點解你趕我, 唔趕d鬼佬?你又知我上網做d 咩?> 保安員就答: <佢地係我地酒店既住客, 2.我見係整理緊d 文件>, 我再問:<不過呢度d 電腦係只供Aroma Coffee Exchange客人使用,你係唔係睇唔見? 仲有, d 鬼佬係你地既房客,唔係Aroma Coffee Exchange客人, 理論上係唔係都唔可以用,咁你應該叫佢走, 唔係叫我走, 如果你唔識英文, 我可以同佢地講, 至於我用部電腦來做d 咩, 都唔關你事, 而你偷睇我做d 乜,你侵犯我既私隱>
保安員已經非常憤怒,瞪大眼睛, 大聲說: 八婆,我依家叫你走就走啦, 唔好咁多野講, 依家有個客(一個香港人, 男人, 因為佢要用電腦, 所以係佢<請>我走)等緊用!!!我和我同事聽罷, 非常憤怒, 我就同佢講:唔該請你經理同我講!佢態度囂張答:<呢度冇經理!!你地快d 走! > 本人堅持理論下去, 但同事就唔想多事, 而且店內已有多人圍觀, 就著本人離開, 之後本人致電該酒店作出投訴, 只是一名自稱是主任的人, 向本人道歉,並未能給予一個合理之答覆!
在今時今日既香港發生一件咁既事, 我真係無法接受!
Post