Video
Read full review
2013-08-07
7 views
同朋友兩度專登來食川善，點知兩次都因為服務欠效率同公正，失敗告終。今日終於得左，等我寫翻心得先，呢間鋪完全比人亂咁神級左！首先第一次去個陣已經滿座但出面無隊，見一心來到，就照排隊等啦，問左個waitress其實係咪要預早book，不過佢話係無得book無得留位。過左一陣有另一堆人上左來，個陣有一枱咁岩食完，個waitress竟然比呢堆人入去先，同我地講話佢地頭先打左電話上來。下？唔係無得book架咩？定係見佢地係大人我地係學生好恰啲？已經嬲嬲地架啦，但都想等第二張枱。又過左一陣，個waitress問我地介唔介意坐露台，咁我地見天氣唔熱腳又攰，就話都可以既。點知出到去連正常枱櫈都無，實際場景可參考張相，個度仲要係吸煙區，for入面啲客食食下野出來食煙的。我地終於忍唔住走左。第二次去到啲位未full，但同一個waitress竟然話係有人book左，下？我地問上次又話無既？佢無正面回答我地既問題，只係重複一次要book...今日跟足指示打上去bk，試左綠茶cheesecake同matcha caipirinha。前者好澀既茶味，但唔係合我心意既綠茶味，宏既綠茶cake整得好食好多。後者完全無
同朋友兩度專登來食川善，點知兩次都因為服務欠效率同公正，失敗告終。今日終於得左，等我寫翻心得先，呢間鋪完全比人亂咁神級左！
首先第一次去個陣已經滿座但出面無隊，見一心來到，就照排隊等啦，問左個waitress其實係咪要預早book，不過佢話係無得book無得留位。過左一陣有另一堆人上左來，個陣有一枱咁岩食完，個waitress竟然比呢堆人入去先，同我地講話佢地頭先打左電話上來。下？唔係無得book架咩？定係見佢地係大人我地係學生好恰啲？
已經嬲嬲地架啦，但都想等第二張枱。又過左一陣，個waitress問我地介唔介意坐露台，咁我地見天氣唔熱腳又攰，就話都可以既。點知出到去連正常枱櫈都無，實際場景可參考張相，個度仲要係吸煙區，for入面啲客食食下野出來食煙的。我地終於忍唔住走左。
第二次去到啲位未full，但同一個waitress竟然話係有人book左，下？我地問上次又話無既？佢無正面回答我地既問題，只係重複一次要book...
今日跟足指示打上去bk，試左綠茶cheesecake同matcha caipirinha。前者好澀既茶味，但唔係合我心意既綠茶味，宏既綠茶cake整得好食好多。後者完全無綠茶味，只可以飲到青檸既酸味，非常失望。
另外，見到對面既一位客人食緊心太軟，味道唔清楚，但見到個cake完全唔流心，真係望見都唔敢試。
Post
