星怡 (Closed)

首先將近9點入餐廳前嘗試在門前找關店時間，搵唔到。咁咪探頭行入去望吓。佢問我幾位，報了2個人，職員咩都冇講就帶入座。咁我以為冇咁快關門。9點半職員來說last order, 冇問題，我都冇嘢想要。點知9點45分有位男職員埋來敲檯叫我哋食快啲，真係講「食快啲」，仲有5分鐘就關門。人均消費280蚊位，你敲我檯叫我食快啲走人！就算廿八蚊也不是這樣服務。我唔介意你要收工，被提醒吃快些，但亦唔係咁態度。再講，點解唔似其他店，我入座時唔話俾我知只有45分鐘時間食同order。 有點坑人！黑松露鮑魚，得個名同貴，完全冇鮮味。大蝦湯麵好淡好淡，雖然蝦算唔細同有味，但不推介。柚子蝦沙律入口算fresh, 不過有點怪怪，不是醋汁，而係沾類似酸梅醬。馬來囉惹沙律🤮 個醬汁味道同氣味不是我們喜歡，只能形容🤮。淨番晒冇食。海鮮油條算有點新意，亦幾香口好食。