Honbo (Closed)

一直bookmark咗呢間burger好耐，今次終於有機會去中環呢間分店試！呢間分店逢星期五晚會有DJ打碟，成個場好似Disco咗，怕嘈嘅朋友最好揀其他日子去，或者星期五去其他分店🥰.1️⃣Honbo set ($128)個包入邊用牛油烘過焗過，好似脆豬包皮咁極脆😍牛油味好香。另外塊肉扒係成個包嘅靈魂，佢唔會煮到全熟，介乎medium至medium well之間粉紅色的，值得一提嘅係肉扒係以本地牛同美國牛搓成，食起上嚟牛肉味好濃之餘口感好豐富，亦唔會好似快餐店咁實的的，好好食！🍔跟餐配薯條，質素正常，份量就好多，多到食完即刻覺得有粒飛滋突出嚟🤣.2️⃣Cheese Burger set ($118)芝堡再多一塊生菜令成件感再豐富咗，無咁熱氣🥗個人覺得呢個再好食啲！跟餐配咗薯寶好食又大份！個人認為圓碌碌嘅薯餅仔點埋茄汁食，特別過薯條。嘢飲就都係罐裝汽水嗰啲，我哋就揀咗有氣礦泉水，啲氣唔會令到你好飽嗰種，但又有汽水嘅感覺，唔錯。