八月堂 (Closed)

平時行過呢個商場都覺得八月堂嘅牛角包勁香，啲牛油味加埋長期做買五送一嘅優惠其實幾吸引，但係一直搵唔到咁多人同我一齊分擔罪惡感所以一直冇買到😂今次因為海之戀商場推廣，所以可以免費試食呢個芒果牛角包（可頌）🤪佢仲可以揀另一個明太子味，但個人鍾意食甜就冇揀到喇🙈老實講佢以牛角包嚟講唔算好食，首先可能擺咗喺舖頭一段時間所以已經唔脆，層次感亦都唔足夠。不過味道嚟講，牛油味唔算好重，因為佢入面嘅吉士同少少酸嘅芒果蓋過晒牛角包嘅味🙁如果免費食都可以嘅，畀同樣價錢食我會行前少少去其他麵包舖買牛角包🥐