東京拉麵

Open Now

Now Closed

阿b係我肚入面已經37周了，我仍然為「為阿b寫夠100篇」而努力中。最近係粉嶺facebook group見到好多人都話呢間外貌似日式小拉麵店既「東京拉麵」唔錯，一於又去試下啦。見到餐牌個心已諗，好似又係港式拉麵鋪咋喎。日式叉燒拉麵   hkd 42拉麵上檯已覺中伏，明顯係港式拉麵啦，麵似係超市買到自己返屋企煮果啲香港品牌出既拉麵餅，叉燒有肉腥味，個湯只係咸，蔥粒只係街市買菜既中國蔥，完全冇得同同區「札榥拉麵」相比，雖然「札榥拉麵」較貴，但那些才是日式拉麵囉。這裡的，極其量係比吉之島food court果啲好啲啲，雖然只係hkd 42，但依然有啲後悔信錯網上留言而黎幫襯。明明未飽，都決定放棄了。埋單計數至知杯茶要收hkd 1，有需要咁計較嗎？係而家咁多日式正宗拉麵鋪計，竟然咁港式拉麵仲生存到？絕對沒下次。