湊湊甄選 (K11 Musea)

Open Now

Now Closed

我一直都好想試湊湊火鍋，所以特意揀咗裝修最美嘅K11 MUSEA店，四處都係霧氣，有種古典美。揀湯底嘅時候見到有個叫做青花椒牛油果鍋，一睇就覺得好特別，但又怕味道怪怪嘅，所以問咗個侍應，佢話味道好配，咁我就試下啦。湯底上嚟果然驚喜，青椒微微辣，但又唔會太辣，因為牛油果中和左，而且牛油果仲可以食，真係好奇特。另外我哋都揀咗半邊花膠湯底，味道好清新。我同朋友兩個食咗唔多嘅配菜，主要係叫咗鵝腸、鴨血等內臟食物，我就好鍾意呢啲啦。我推薦呢間餐廳，環境夠靚，不過影相可能會有啲暗，而食物真係好味嘅！