雪山冰廳

Open Now

Now Closed

招牌海南雞飯($58)，份量都幾足，數過有8件雞，雞肉夠嫩滑，海南雞中間應該有層啫喱狀，而佢亦做到，而且去晒骨可以啖啖肉，醬料方面有2款，係辣醬和甜豉油，我個人覺得辣醬唔錯，至於個飯係雞油飯，顏色唔需要好黃色，但口感仍然能散發出陣陣油香。大澳咸魚茸香煎肉餅($78)，共有6塊，肉餅好鬆軟彈牙，而且帶有少少咸魚香味，配白飯一流，每塊形狀不一，證明用人手新鮮打出黎。公司三文治($35)，材料夠足，件件賣相望落都脹卜卜，麵包有烘過食落有焦脆，醬汁搽左千島醬，食完都幾飽肚。榛子醬西多士($28)，西多外層炸得好脆，內層鬆軟，而且配搭榛子醬都幾夾，一定要加埋食西多必落既糖漿。熱檸水(跟餐$0)。華田曲奇秒趣(跟餐$15)，賣相色彩繽紛，好有童年感覺，忌廉下層有一球雪糕，華田味夠濃郁，不會淡到好似飲水。