Video
Read full review
2021-07-04
88 views
泰嘟嘟係一間裝修幾有泰國feel嘅餐廳，因為餐廳嘅燈光好似泰國夜市咁色彩繽紛，牆上面仲有啲塗鴉，最特別嘅係仲有3個用咗泰國篤篤車(tuktuk🛺)做主題嘅卡位，真係非常之有特色～其實我同同事間中lunch都會食呢間嘅外賣，lunch都算幾好食又抵食，我哋經常食佢嘅冬蔭功湯/喇沙湯金邊粉，同埋泰式蝦醬炒飯～ 呢次就專登同朋友嚟試下堂食～當晚我哋2個人食，又無book位，就無緣坐到🛺卡位喇～ 佢哋嘅上菜速度超快，不過張枱有啲窄，加上我哋叫咗2人餐+個冬蔭海鮮湯，加埋係4樣食物+2杯飲品，所以張枱真係有啲迫，幾乎擺唔落呀🙈 同埋佢哋晚市都一樣好多人，用餐有限時90分鐘。•📸 二人餐 (包括3款自選菜式+2杯熱飲) $238🥢 泰式菠蘿海鮮炒飯呢個菠蘿炒飯無裝返落個菠蘿殼到，只係有個1/4菠蘿殼喺旁邊做裝飾🤣炒飯炒得幾乾身，做到粒粒分明又唔會好油👍🏼海鮮方面都係急凍海鮮，有蜆肉、蝦、青口、魷魚等，正正常常嘅；飯粒帶少少咖喱味，但炒得唔係好夠鑊氣，而且啲海鮮配料炒得唔入味，整體一般～•🥢 招牌黃咖喱麵包軟殼蟹呢個一上枱就好香噴噴好吸引🤩 麵包磚新鮮烘起，淋上金黃嘅咖喱都仲有脆卜卜嘅感覺！😋黃咖喱
其實我同同事間中lunch都會食呢間嘅外賣，lunch都算幾好食又抵食，我哋經常食佢嘅冬蔭功湯/喇沙湯金邊粉，同埋泰式蝦醬炒飯～
呢次就專登同朋友嚟試下堂食～當晚我哋2個人食，又無book位，就無緣坐到🛺卡位喇～ 佢哋嘅上菜速度超快，不過張枱有啲窄，加上我哋叫咗2人餐+個冬蔭海鮮湯，加埋係4樣食物+2杯飲品，所以張枱真係有啲迫，幾乎擺唔落呀🙈 同埋佢哋晚市都一樣好多人，用餐有限時90分鐘。
•
📸 二人餐 (包括3款自選菜式+2杯熱飲) $238
🥢 泰式菠蘿海鮮炒飯呢個菠蘿炒飯無裝返落個菠蘿殼到，只係有個1/4菠蘿殼喺旁邊做裝飾🤣炒飯炒得幾乾身，做到粒粒分明又唔會好油👍🏼海鮮方面都係急凍海鮮，有蜆肉、蝦、青口、魷魚等，正正常常嘅；飯粒帶少少咖喱味，但炒得唔係好夠鑊氣，而且啲海鮮配料炒得唔入味，整體一般～
泰式菠蘿海鮮炒飯
3 views
0 likes
0 comments
•
🥢 招牌黃咖喱麵包軟殼蟹
呢個一上枱就好香噴噴好吸引🤩 麵包磚新鮮烘起，淋上金黃嘅咖喱都仲有脆卜卜嘅感覺！😋
黃咖喱椰香味濃，唔辣但都好惹味；軟殼蟹有6-7件，份量算多，而且炸到脆卜卜👍🏼
招牌黃咖喱麵包軟殼蟹
4 views
0 likes
0 comments
招牌黃咖喱麵包軟殼蟹
2 views
0 likes
0 comments
•
🥢 泰式肉碎生菜包
肉碎調味偏酸辣，青檸汁落得幾重手，肉碎肥瘦均勻，所以食落幾有咬口，唔會好乾，酸酸辣辣真係好惹味好開胃🤤
泰式肉碎生菜包
2 views
0 likes
0 comments
泰式肉碎生菜包
3 views
0 likes
0 comments
•
🥢 冬蔭海鮮湯 +$68
呢個冬蔭功湯係原煲咁上好霸氣🤣 飲落椰香味比較淡 ，蝦味好濃郁，整體味道偏酸辣嘅，但酸味稍為有少少太搶～
海鮮方面真係好足料！有1隻大頭蝦、青口、蝦仁、魷魚，仲有啲番茄、香茅、菇等等，大部分都幾好味，可惜嘅係隻大頭蝦嘅肉質有啲霉，好似唔係幾新鮮😬
冬蔭海鮮湯
0 views
0 likes
0 comments
冬蔭海鮮湯
0 views
0 likes
0 comments
•
🥢 泰式奶茶 +$13
第一啖飲落超甜，好貼近泰國嘅味道🤤 茶香同奶味都幾濃，啲冰溶咗大半之後甜味就剛剛好，好解辣🤤
🥢 珍多冰 +$13
椰汁味好濃，唔似出面果啲咁溝咗好多水，黃色嘅粉條份量亦都有唔少～但缺點同樣都係有啲太甜🙈
Post
