Plato Cafe & Bistro (裕民坊YM²)

今日收工之後約咗朋友係裕民坊食西餐。門口睇落乾淨企理，入到去個vibes幾好，播緊啲流行既英文歌。我地兩個人叫咗兩個主菜同一個黑松露薯條。晚餐仲包一杯32$ 既野飲同餐湯今晚晚餐個湯係甘筍湯，個湯都唔錯，食到啲甘筍蓉似乎仲有啲南瓜蓉，飲落幾清新1.炸軟殼蟹忌廉意大利飯個軟殼蟹炸得好脆，雖然望落細細隻但係又好有肉地，個忌廉汁味道食落唔會好Heavy，中間有啲黃椒，紅椒同露荀，加強口感之餘又令到個汁無咁單一。2.德國脆皮咸豬手配酸菜一上枱好驚喜因為好大碟份量好充足，個皮炸得好脆，都幾夠味，配埋沙律啱啱好，好夠飽，兩個人有啲食唔晒，因為真係好多肉，仲可以點啲蜜糖芥末醬，食落無咁漏。3.法式炸薯條配黑松露薯條炸得好脆，佢係用黑松露鹽，係幼身既薯條，好脆口，份量又係好大，兩個人食完主菜再食埋薯條真係好飽。跟餐既凍果茶就正正常常唔會話好甜埋單兩個人，每人$200 左右，食到咁大碟豬手真係幾唔錯