皇玥

Open Now

Now Closed

觀塘裕民坊新商場開業左之後進駐咗好多新店，其中一間就係開到全港都係嘅皇玥，今日經過就去買咗兩盒餅比屋企人試吓。今次揀咗嘅係牛油脆曲奇精裝禮盒（ $108 ）同埋芝士薄脆精裝禮盒（ $68 ）。呢間餅店出晒名包裝精美，仲有啲中國嘅風味，年輕一輩同埋上一輩都應該都會幾鍾意。首先試咗芝士薄脆，真係非常薄而且入口即溶，芝士味好重，忍唔住秒速食完一包。另外牛油脆曲奇，就比較硬脆身，牛油味比較重，入邊有好多塊，帶返公司請同事食啱晒，而且仲係獨立包裝添。呢間舖頭嘅觀塘分店都幾大， display有好多選擇，貴有貴買平有平買啦。