Plato Cafe & Bistro (裕民坊YM²)

餐湯餐湯嘅味道幾好，飲得出係用新鮮嘅蔬菜打溶而成，再問一下侍應，原來係紅菜頭湯，啱晒我呢個比較着重健康嘅人。西班牙海鮮飯海鮮嘅種類有好多，有青口、魷魚、大蝦、帶子同埋大蜆。全部海鮮都好新鮮，入口唔似係雪藏嗰啲，特別個人喜歡隻帶子煎得好香。啲飯粒粒都俾啲龍蝦汁包住，幾好味。西班牙黑毛豬鞍豬鞍好厚身，煎得啱啱好，唔會好乾，入面都有好Juicy嘅肉汁，係唔錯嘅。有薯蓉同蕃茄仔蘆筍做配菜，份量都夠飽。晚市套餐仲可以有兩杯餐飲，我哋叫咗熱檸水同熱蜂蜜柚子茶，都抵食嘅。