馬來亞春色綠野景緻艷雅

Open Now

Now Closed

馬來亞春色綠野景緻艷雅評分：🌕🌕🌕🌗🌑今日同事話星期一不如出去食嘢，咁梗係好啦！咁我哋揀咗一間公司附近嘅馬來西亞菜，個名好特別，馬來亞春色綠野景緻艷雅！我記憶中好似係歌詞⋯咁我點咗一個肉骨茶套餐，套餐除咗主食， 仲附送左一杯凍嘅冬瓜茶，好消署！主菜有馬來亞油飯，同埋一大盅肉骨茶，一盅肉骨茶大約五至六件排骨，淨係食肉都好飽！另外仲配咗少少油炸鬼，好傳統呀！湯底貫徹馬來西亞肉骨茶傳統， 比較重中藥味，當補補身都好呀！食咗咁多嘢 埋單$70內，都算係一個唔錯嘅選擇！