騷 (Closed)

今日去開尖沙咀行街， 朋友建議去諾士佛臺搵嘢食，  都真係好耐冇行開嗰頭，  可以一試。 喺樓下見到有個餐廳廣告， 寫住單字一個騷， 幾特別喎， 就試下呢間啦。呢間餐廳，有簡單的美式裝修， 最特別嘅係我一坐底就留恴到喺中間有一套樂器， 應該會有樂隊表演卦， 果然不出所料， 坐咗一陣駐唱歌手已經大展歌喉。 寧靜輕快的音樂 ，配合餐廳嘅氣氛，傾計談心真係一流。食物方面， 我就叫咗一個墨西哥芝士粟米片， 一份黑松露大啡菇意粉。 嘢食黎之前仲叫咗支叫做油麻地果欄嘅香港手工啤， 飲落去真係好特別 ，好重蘋果味， 酒樽上面寫住一支啤酒係用四個蘋果製作而成，真係誠意之作。 一啖入口， 陣陣蘋果香湧去喉嚨， 即時胃口大開。小食黎啦，係墨西哥芝士粟米片。粟米片上面鋪咗好多芝士粉， 上面仲有一層厚厚嘅芝士， 另外仲有少少茄汁， 食落去香脆， 但又唔覺得熱氣，份量唔細足夠兩個人食。主菜就係黑松露大啡菇意粉， 佢賣相好靚 ，除咗兩片大啡菇之外， 仲有幾粒車厘茄伴碟。 意粉爽口 ，仲有好濃香嘅黑松露味， 如果鍾意黑松露嘅人一定要試。 反而呢個主菜有啲細份， 如果可以大份啲就更加好啦。價錢唔貴，係呢個地段係超值，