王家沙．花樣年華 (金朝陽中心) (Closed)

王家沙食過幾間，今次黎到銅鑼灣依間花樣年華店，好滿意，環境裝修一流，不過唔記得影相😭環境係紅黑格調，超寬闊，裝修好豪華既感覺，適合一家人聚餐！而且服務都十分好-雖然個裝修好靚，但食物個價錢都係中等價，係依個環境下食贏哂🙌🏻講返食物既質素先，都幾唔錯，不過份量就細碟少少，適合四個人食！-蟹粉小籠包小籠包食得多，有得簡一定簡蟹粉，不過食落蟹粉味唔算好重，反而覺得係蛋黃味🤣但個小籠包係多汁的，但皮再薄返啲就好啦！-賽傍蟹依個賽傍蟹比平時食既有點唔同，首先唔知點解有百力滋😂但有個半熟蛋😍撈埋食先，食落比平常稠身，好飽肚既感覺😂😂但味道調得好好，足料！-上海炒年糕食落煙煙unun有咬口，通常食既年糕都偏咸，但依個沒有😋仲幾入味！-酸菜桂花魚桂花魚魚質嫩滑其實個湯係夠酸既，不過真係有d過咸，蓋過左主要既酸味，同埋可能始終迎合香港人口味，所以都唔會好辣，小小地辣吊下味僻下魚腥，整體味道係不錯，但真的太咸🤣最正既係入面既粉絲，索晒味😋正！四季豆雖則細細碟，但炒得入味香口，夠哂鑊氣！-最後點少得甜點，豆沙煎餅即叫即炸，超鬆化超香口，滿滿既芝麻好好味！！