泰閣 (Closed)

成日同酒友飲中菜飲酒真係有點悶，天氣又熱口淡淡，所以今日好想食泰國野而佢地又好好地話無謂。係旺角附近找黎找去都冇咩合心水，最後男人係佐敦附近找到一間睇落坐得舒服的泰菜。上到去裝修真的不錯，但可能因為油麻地關係比較少人，大約8點半都只有3桌客人，之後我地4個人坐6人位，開了枝白酒（＄50開瓶費）和分開叫了3輪野食，最後人地收工（11點多）我地先走。青木瓜絲沙律 $72：酸度夠，份量多，有少少花生碎口感都好滿足，還要再上有腰果（如果炒過會更香）。木瓜絲切得夠幼身加豆，酸汁醃了入去酸酸地又爽口，推介好味道。 醃肉碎生菜包(豬,牛,雞)$88：因為男人吾鐘意食豬，所以今次叫了牛肉。牛肉炒偏老身，硬左少少。但辣度夠香口。份量偏少，因為生菜在底部以為好多。生菜都新鮮同脆口。鹹魚炒椰菜苗$78：見到有鹹魚但冇鹹魚味道。有點失望，椰菜苗都炒完仲好翠綠好吸引。泰式蝦球炒金邊粉$88：酒友女覺得金邊粉太濕，但味道好夠，酸酸辣辣都開胃。蝦球份量都夠但蝦味一般，幸好沒有梅，口感還有。泰式涼瓜炒牛肉$78：豆鼓味不足，失望，涼瓜落糖多左少少，但涼瓜質素都不錯。牛肉偏硬冇味。白酒2枝1.5公升（購自超市）：＄50