Amplifier Restaurant (花園街) (Closed)

同朋友去食餐好，去了旺角的 Amplifier, 因為佢真係幾好坐。星期一唔算太多人，臨窗大卡位可以兩人獨佔，好有氣氛。睇得出裝修好有心思，餐廳裝飾以音樂酒吧為主題。有結他，有 live band 舞台。星期三至日都會有歌聽，氣氛應該會相當不錯。除左裝修靚，食物亦係高顔值的，忍唔住要影多幾張。櫻桃木輕煙熏生阿根廷粉紅蝦咯嗲 $138新鮮的粉紅蝦刺身，配上海鮮茄醬，辣辣地又好有香草味，唔錯架。除了紅蝦刺身，仲加入左桂花啫喱、黑橄欖同車厘子。第一次食呢個組合，口感幾有層次。法式紅酒燴和牛臉 $258和牛臉比和扒更淋滑，亦很有牛味。紅酒汁真的好味架，用來燴牛臉是一流的。夠大碟，兩人分享都唔錯。伴碟的薯蓉份量都唔少，仲加入了黑松露，好香好滋味。而配菜有露荀和小蕃茄，幾新鮮的。Margarita $98以 Tequila 為主調的雞尾酒，加上青檸汁，醒神又 refreshing. 焗蘋果酥配雪糕 $88好精緻的甜品，暖暖的蘋果批，再加上凍冰冰的雲呢拿雪糕，半溶之間真的好好味。而甜品的伴碟亦係好靚，成件事即刻高級左。甜品配上香濃奶茶，完美的句號。