黑門水產すいさん (Fashion Walk)

Open Now

Now Closed

早兩日我去咗呢間位於銅鑼灣食街嘅黑門水產，首先唔得不讚佢入面嘅空間好大超級靚，好似去咗日本咁樣。雖然佢哋嘅價錢比較高，但係佢哋嘅質素真係好好。首先係有呢個池魚嘅刺身，薄切嘅質感非常好，而且非常甜。全晚我最鍾意係呢個海膽味噌甲羅燒，師傅幫我燒完之後加落餅乾上面食每啖都好鮮甜好正，連個蟹殼都舐埋。另外今晚仲食咗啲比較特別嘅嘢，例如係螢光魷魚。除此之外我嗌咗啲比較日常嘅嘢例如玉子燒，鰻魚同玉子燒真係好夾，甜甜嘅玉子燒入面包住鹹香嘅鰻魚。阿波美雞翼皮脆肉嫩，咗甜品柚子雪芭，酸酸甜甜，清新開胃。成個體驗都唔錯。