Video
Read full review
2013-10-12
666 views
啱啱新搬入嚟時食過一次, 印象麻麻地, 所以之後一路都冇再幫襯, 佢新裝修完, 亦都隔咗好耐先去試試, 同之前完全唔同, 光猛好多, 招呼好咗, 食物質素都有改善, 雖然細好多, 不過d枱都唔算迫, 但價錢就好似貴咗少少囉~ 茶錢$10位, 芥要$13碟, 兩個人淨係茶芥連加一都去咗幾十蚊, 夠去茶餐廳食個餐咯~ 星期五晚七點幾八點係最多人食飯的時間, 偏偏今日遲咗收工, 要响呢個時間先返到嚟, 周圍都開始要等位, 咁又見呢度有位, 比個機會佢改變下我對呢度的印象啦~話哂隔咗咁耐冇幫襯, 好似當一間新舖頭, 乜都未試過咁, 所以樣樣都想試下, 雖然都係一般海鮮酒家都有的餸, 但好似好多選擇, 都諗咗一排先諗到食乜好, 就叫D自己唔會响屋企煮到的餸啦~ 花生未有餸時, 食下花生頂住先, 佢d花生好油, 又硬咗d, 唔係脆 避風塘焗肉蟹蟹size一般, 聞到好香炸蒜茸味, 開頭都以為唔係太辣, 但對我地呢d唔食得辣的人, 原來係好辣lor~ 一路食一路high, 食到feel到變孖潤腸咀, 所以要不停飲茶, 好彩一早灘凍定杯茶, 如果唔係就大大鑊咯~ 你問我味道如何, 我真係答你唔到,
話哂隔咗咁耐冇幫襯, 好似當一間新舖頭, 乜都未試過咁, 所以樣樣都想試下, 雖然都係一般海鮮酒家都有的餸, 但好似好多選擇, 都諗咗一排先諗到食乜好, 就叫D自己唔會响屋企煮到的餸啦~花生
未有餸時, 食下花生頂住先, 佢d花生好油, 又硬咗d, 唔係脆避風塘焗肉蟹
蟹size一般, 聞到好香炸蒜茸味, 開頭都以為唔係太辣, 但對我地呢d唔食得辣的人, 原來係好辣lor~ 一路食一路high, 食到feel到變孖潤腸咀, 所以要不停飲茶, 好彩一早灘凍定杯茶, 如果唔係就大大鑊咯~ 你問我味道如何, 我真係答你唔到, 因為已經辣到我冇哂味覺, 我只可以話佢焗得幾乾身, 但又唔會太乾, 算唔錯啦~翡翠炒龍躉球
開頭以為翡翠會係翠肉瓜tim~ 原來係西芹+肉豆+雲耳, 龍躉球都好似有成八舊咁上下, 有d有皮. 有d冇皮, 但最正就係佢d皮, 夠厚又夠膠, 仲好彈牙tim~ 但最衰佢碟嘢太油, 反哂光咁, 如果少d油, 咁就完美喇~砵酒焗加拿大桶蠔
我仲估佢有6只蠔tim~ 原來只得5隻, 即係廿蚊只(未計加一), 因為之前曾經响街市買過桶蠔打邊爐, 都有6只, 估唔到呢度冇lor~ 其實size都係咁上下, 都唔知係咪比足一桶我.......... 先唔計得佢5只, 個味道真係整得唔錯, 雖然個粉漿皮好厚咁包住隻蠔, 但個粉皮係好烟un彈牙的, 而蠔又一d都唔腥, 又唔水, 焗得好乾身, 而且佢爆埋d洋蔥一齊焗, 超香..........但美中不足的又係油咗d~
馬蹄爽
食完哂嘢, 有位姐姐走埋嚟問d嘢齊哂未, 送埋個糖水我地食好唔好, 咁我就問佢有冇得選, 佢話有紅豆沙同馬蹄爽, 咁我地梗係選馬蹄爽啦~ 因為已經好耐冇食, 而且唔駛又係紅豆沙咁悶嘛~熱辣辣的馬蹄爽真係好正, 好多蛋花同馬蹄粒, 味道又唔太甜, 啱啱好, 稀杰又適中, 唔錯~
好耐之前幫襯時係完全冇人理, 裝修完嚟個大脫變, d伙計個個好主動, 又熱心, 好過以前好多, 抵讚~ 但唯一要再改善就係洗碗方面, 一餐飯入面, 見到兩次唔乾浄的碗碟, 好明顯有舊嘢同有漬, 咁都可以比客人, 真係唔多掂~
Other Info. :
唔知果晚d枱係咪執錯咗, 我地啱啱坐低, 仲睇緊食乜時, 竟然上碟雞比我地, 一路每個上菜姐姐都嚟錯我地果度, 之後損緊蟹時, 又走嚟埋單, 我咬住個蟹鉗望住佢, 佢先知搞錯, 後來聽到上菜個亞姐問做乜亂哂, 個高級少少的姐姐同佢講, 今晚係有d唔同, 你睇清楚d枱號先上啦~ 我心諗, 今晚又唔係特別多人, 而且都有吉枱, 同平時有幾唔同?
(The above review is the personal opinion of a user which does not represent OpenRice's point of view.)
Post
