牛八和牛燒肉屋

Open Now

Now Closed

等左半年左右，荷里活廣場間牛八終於裝修完開返啦！佢同隔離間shabu shanu掉左位 （應該同一老細），店鋪比以前多左位，設計亦完全新一個局面。由高貴黑暗調變左精精光猛mode.多左d食物輸送帶，用左機場跑道theme as gimmick. 會有隻飛機✈️飛出黎運餐到你枱前🤪小編第一下看見是覺得新鮮的（正面），跟住到點餐亦變左手機落單，餐牌係比裝修前貴左3成😨，由$70左右內變成$105（未加一服務費），以前既前菜、飯、醬油同野飲通通都變成自助需要自行出去裝返黎。而成程用膳都好嘈聽唔到同行既人講野⋯客路明顯唔同晒，唔再係以前多情侶同個人客戶，而係一家大細基本上每枱都有1-2個細路仔大叫⋯在生意角度，的確係好的，減少左人手亦多左人頭，不過想簡簡單單享受下不吵鬧既2人世界既小編未必會想好似以前咁成日黎食⋯當然有壞都有好ge，佢而家雖然自助，但多左d配菜畀你自由夾返埋位多左款食物可以享用，當然咁就睇下你本身大唔大食啦😛