和花亭壽司 (Closed)

之前食過呢間覺得d野幾新鮮，所以前幾個星期已經想黎呢間食，點知遇著裝修。尋日再黎終於裝修完，比起裝修前d位闊落左，光線光猛左。細海膽一板，超好味，超新鮮，又特價，好抵食。值得推介。10片三文魚，新鮮好味。天婦羅大盛，呢個麻麻地，d粉好厚好硬，同埋唔熱。慢慢蟹子的軟殼蟹手卷，b女話好味。蟹子沙律，只得青瓜同少少蟹柳。如果有少少菜代替青瓜會更好味。芥末壽司都係咁。腐皮壽司，d腐皮同d飯好夾，啱啱好。甜蝦壽司OK蟹棒壽司&北極貝老公話ok帶子壽司鮮甜，新鮮，好味最後入埋會員，一定會成日黎。