家香 (Closed)

變左自助形式， 有d似麥記同大x樂混合板咁自己落單，叫號碼自己拎野食，同埋即棄餐具。講真，個人唔太鍾意即棄餐具，好似即刻冇咁好食。窗口位有高枱但冇櫈，好怪，想望住風景食都冇。好喇，講番食左咩。叫左兩個set，茄醬矮瓜同檻菜豆，蛋菇撈粉絲同紫菜冷麵，紅燒豆腐同三文魚他他，加左杯咖latte 同玫瑰草莓梳打。 份量唔多少過以前，但都夠我地兩個女人仔食，同埋杯咖啡好大杯。 總體黎講冇以前咁好食，不過不失咁啦。其中他他係咁多樣之中比較突出，三文魚好滑，d汁又好香。紅燒豆腐都唔錯，香香辣辣。其他有咩特別。但個梳打好唔掂，冇甜味，更冇玫瑰味，得少少士多啤梨味。