Little Mermaid Bakery

Open Now

Now Closed

我同我媽媽都好喜歡食麵包，little mermaid 係我地其中一間心水。其實已經食過好多次，但食評分享就第一次了！今日就揀左呢三個：無花果合桃，玄米鬆餅同埋意大利野菜芝士。無花果合桃是一個比較歐式風味的包。無花果和合桃的比例剛好，麵包質感是比港式的硬同乾，不過無花果乾的濕潤剛好中和了一下，再加上合桃的脆口，令整個包都有不同的口感。用了優惠價換了一個玄米鬆餅，這吸引我第一次試呢個外表平平無奇的鬆餅。食落口的質感同英式鬆餅差不多，但明顯沒有那麼乾，更淡淡滲出玄米的香味同味道，不失為一個清淡之選！最後要介紹的是餃子形的意大利野菜芝士，呢個係一個咸包，亦係我其中一個最愛。不過建議食呢個既時候一定一定要用焗爐翻熱幾分鐘至好食。野菜加上芝士非常香，酸酸的茄汁好開胃，中間的芝士亦有少少拉絲既效果。