九份飽 (錦平中心)

Open Now

Now Closed

星期六晚同老公去食台灣菜。玉米起司蛋餅用肉眼都睇到蛋餅包住既料好足，好飽滿，玉米同芝士既配搭無得輸，一定好食。香酥排骨刀削麵排骨有四塊，炸得幾香酥，肉質都唔鞋。刀判麵有啲厚度，所以有咬口。紅燒牛腩米粉紅燒相對濃味好多，米粉滑溜，同紅燒湯底好夾，索晒啲湯汁。牛腩亦夠腍身，好食。芋圓仙草豆奶真心超足料，有芋圓、地瓜圓、紫薯圓、仙草、珍珠、紅豆、甜度岩岩好，勁飽肚。冬瓜檸檬蘆薈老公好鍾意，話加左蘆薈仲正，多左野可以咬。豆花胚芽奶茶呢個比較特別，杯底有豆花，用飲筒一吸就吸到，胚芽啖啖都飲到。