錦麗 (又一城)

Open Now

Now Closed

#越式eatcovery #九龍塘eatcovery💡裝修比貨之越南食店難得今日早放，所以就去又一城行下街。好耐無食越南野，今次就食左間裝修設計好有心思嘅越南店。🍽火車頭越南河配料非常多，有生牛肉、熟牛肉、牛丸、牛腩等等。生熟牛肉都有兩至三舊，非常足料。小編特別推介牛丸，個好彈牙嘅爆汁牛丸，真系好爆汁，唔為意咬一大啖，差d噴到成身都係，真juicy得黎好鮮味！牛腩好軟腍，肥瘦適中，唔覺鞋口。個湯底係店入面煮夠23小時，用左大量的肉和骨來熬煮，湯頭鮮甜濃郁，啖啖都係牛骨香氣。另外，小店好細心將芽菜青檸辣椒分開上，可以因應自己口味決定。🍽錦麗生牛肉粉湯底都係特別改良左煮法的越南牛肉湯底吧，所以飲落好清甜，唔咸。河粉上面鋪上生高質牛肉片，生牛肉粉嫰肉滑得黎唔會硬柴柴，🍽椰青好大個，好好飲,清甜得嚟又解渴。飲完之後仲可以刮啲果肉出黎，好嫰好滑。🍽暴龍美祿大杯得黎又唔會好甜，上面鋪左一層cream，邪惡得黎但好味。如果多少少美祿粉係上面應該會更正。