Victorian Rose Tea Room (Closed)

知道山林道有一間華麗歐陸式咖啡廳以白色裝修為主，睇啲相都覺得好靚好靚好靚！今日下午決定去嘆下午茶。一出電梯真係嘩然一聲！很多女生在享用下午茶，大部份女生也在拿着相機拍照，這裏的環境真的很美，很公主Feel，而且傢俱採用英式茶具同歐陸式桌椅，充滿英國風情🇬🇧。就連餐牌都很美，有很多玫瑰花的圖案，華麗英式下午茶 🍮🍰🍹兩人的價錢都只係$568，當中包含12款美食。咁靚嘅下午茶架等左一陣終於黎到，當然係相機食先，最底層係鹹點小食，上面兩層則是甜點，每一件美食都很的骰吸引，真係唔捨得食㗎！鹹點中的香煎蟹肉餅煎得很香脆可口，每一啖都是豐盛的蟹肉，蟹鮮味勁重，好鬼滋味。甜點中推介的伯爵茶戚風蛋糕招牌，採用無糖去製造，食落去健康之餘，質感都好鬆軟，真係唔錯。還有法式焦糖燉蛋，燉蛋很香滑，甜度適中。飲品方面見到賣相咁靚嘅維多利亞玫瑰朱古力，就點了一杯熱的。一來到朱古力的拉花很美，沖調師真的很有技巧，同樣地真係唔捨得飲。不過飲落去朱古力味道很濃郁，質感很滑溜。同朋友傾吓計都坐左成兩三個鐘，估唔到山林道可以嘆到咁高質英倫風下午茶，而且幾乎滿座，下次一定要試吓晚餐先得。